انا معاك.... فعلا لو مكنش الغربه في البلاد الحر دي احسن في شوية حجات من بلدك, مكنش حد اتغرب. مش هنكر و اعض اؤول اغزي العين.
الفكره انو التعميم دا فيروس يصيب المصري في سن الصغر, و منحة التفكير و التحليل بتختفي بتأثير انظمنتا التعليميه البشعه, فبنبص بورب دايما و نقرر و نحكم و احنا بنجري.
من حوالي 3 سنين اضطررت لعدة اسباب اني اسافر الكويت, و كانت اول غربه تزيد عن 10 ايام بعيد عن اهلي و اصحابي, و كان وقعها عليا صعب مش سهل بالمرة, في كل الجوانب. اه مش هنكر انه فيه حجات كتير احسن من مصر اهمها عنصر الأمان اللي هو كان بدأ يختفي من اول الانتفاضه المصريه في 2011 نهيك عن الأزمه الاقتصادية و الشغلانات اللي مشت الناس و اللت الرواتب, دا كله انا عشته. و دا خلاني امضي عقد الشغل الجديد بدون دراسه جيدة للماديات.
ف انت يا سيدي بتنزل البلد من دول تلائي نفسك بتئبض الفات بالمصري, ممكن تعيش بيهم رئيس وزرا في مصر, بس هنا......
انت اما تتكلم علي خليج فيه شوية توفير فانت بتتكلم عن السعودية فقط.... و مش دايماً. بائي البلاد, حضرتك الاسعار المحطوطه هناك دي بتتحدد علي حسب القدره الشرائيه بتاعت المواطنين......انت مهم اه.... بس مش اوي. اه صحابك هيشفوك ماسك iPhone بعد متروح ب 3 ايام, بس دا عشان هم بيربطوك بتمنه سنتين و لو سبت العقد ابلها هتتنفخ فلوس و هتكتشف انو كان اكرملك ال E72 اللي تئدر تجيبه كاش. و لازم تفهم الناس اللي عندك علي الفيسبوك ان الموستانج اللنتا ركبها دي كانت جوه المعرض و المصحف و البائي فوتوشوب عشان تهون علي نفسك الأعدا لوحدك.
و فهمهم بردو ان العربيه الكبيرة اللنتا ركبها اللي عمرك مهتعرف تمونها في مصر دي اما الميكانيكي بينفخلك اربع عجلات و يعمل خرم واحد بتدفع اقلها ما يعادل 150 جنيه. و انك اصلا جبتها عشان لو عربيتك صغيرة اغلب اللي بيعددي جنبك علي الطرق السريعه بينئلك الحارة اللي جنبك.
الأغلبيه العظمي يا ساده في هذه الغربه بيخضع لقوانين السابلاي اند ديماند علي الجنسيه المعينه دي في سوق العمل, اللي هي للاسف بسبب سوء الاحوال في بلادنا, خلتنا بلد مش بس طارده للعماله, دي فاشخه للعماله المطروضه بره. فسعرك بيقل عن من 20 سنه فاتو و صعودك السلم الوظيفي بيبئا ابطأ الا من اجتهد طبعا و ربنا كافئه و دول كتير في الغربه و في بلدك بردو.
بلادنا كلها محتاجه توجه نسبة من المجهود و الفلوس اللي بتتصرف علي الكليبات و برامج اللي بتجيب الناس بتوع الكليبات علي العلم و الاعلام و ده عشان اما نتطور يبئا تطور جوهري يتضمن اغلبية الشعب مما يؤدي الي توازن شويه و اللي متغرب ينؤ علي اللي شغال في بلده أد ما اللي شغالين في بلدهم بينؤو علي اللي بره و تكون الغربه اختيار للنمو المنطقي مش تضييع الوقت.
بلادنا كلها محتاجه توجه نسبة من المجهود و الفلوس اللي بتتصرف علي الكليبات و برامج اللي بتجيب الناس بتوع الكليبات علي العلم و الاعلام و ده عشان اما نتطور يبئا تطور جوهري يتضمن اغلبية الشعب مما يؤدي الي توازن شويه و اللي متغرب ينؤ علي اللي شغال في بلده أد ما اللي شغالين في بلدهم بينؤو علي اللي بره و تكون الغربه اختيار للنمو المنطقي مش تضييع الوقت.
