همهمات 1 | Hamhamat 1

.من المثير للاستعجاب في هذه المرحلة هو كيفية استخدام حق كل واحد فينا للحرية والديموقراطية
الوضع إلي خللا واحد زيي يفضل إنو يبتعد عن مساحات اجتماعية معينة مع علمي إنو مش ده هو الحل بس في جو المسيطر عليه ثقافة الانقسام والاختلاف مع وجود هوائية في الدلائل فبتلائي نفسك في أي كونفيرسيشن بتسمع اثنين بيقولو أخبار لو قلت لواحد انت كداب يبئة لازم تئول للتاني، ولو صدقت حد لازم تصدق التاني وفي الآخر بتلاقي الدلائل ملنحيتين شكلها حقيقي بس أنا منين أتأكد من الاتنين معرفش ، وتش إز  مش موضوعنا  .

السؤال إلي بيطرح نفسه عليه في بعض الأحيان هو" مين عايش قاصد يخلي ربنا غضبان عليه؟ " وبلائي الإجابة الوحيدة مع إفتراض حسن النية إنو البني آدم إلي بيعمل أخطاء كتير بيبقى عندو نقص في إحساس بأن ربنا موجود أصلن . بتوصل في بعض الاحيان فكرة إنو يساهم في غضب أو رضا الله عنو مبتبأش توبيك أصلن .... يعني تقدر تلخص الفكرة في مستوى الإيمان بالله وعدم خلدنا في الدنيا .

المستوى الإيماني إلي لمحت إليه فوق ده متفاوت جدن من شخص للتاني، بل من شخص واحد لنفس الشخص في مرحلة مختلفة من حياته نظراُ للظروف والمتغيرات والاستعداد أو عدم الإستعداد للتغير من الكويس للوحش أو فايس فرسا . وده اللي خلا مهم أوي وجود نظام لكل حاجة . حتى لو كان المخلوق ده مش إنسان فربنا خلق الكون كلو في نظام محكم هو عالم بيه ومنظمو على طريقته و هو سبب من اسباب بقاء الكون هو النظام المحكم ده.

النظام ده فيه حاجات كتير معروفة وحاجات كتير مش معروفة لينا ومن الحاجات المعروفة ده حاجات ممكن تكون مش مقنعة بس هي موجودة وأنت تفهمها بحالتها لحد محد يقنعك أو حد يثبت انها غلط وممكن الحد ده يكون آنت . بس في الاخر العيب في الفهم مش في النظام لأن إلي خلق النظام ده له الكمال في كل شيء .

تعالى ننزل لكوكب الأرض... إلي يسكنه الكائن الحي الذي (المفروض ) يتميز بالعقل في الاساس . ده لازم له نظام ينظمه يكون فيه حقوقه وواجباته ويطبق بحذافيره حتى لو كان في حاجات مش مقنعة لفئة معينة من المحكومين.. فيه أحيان كتيره أما حد يسألني عن رأيي في اللي بيحصل في مصر؟ كنت بأول احنا مينفعناش الحرية والديموكراسي ناودايذ )على رأي عمر سليمان الله يرحمه ( وكنت بأهاجم على الرأي ده بحدة رغم إنو أصدي شريف جداً ).

أنا كان رئي ببساطة إنو مينفعش تدي مسدس لعيل بيبي لسة ممشيش ... وكان ديمن الرد على الاكسمبل ده مستفز زي لو سألت    طب لو مشي ؟

بس فعلن آنت لازم أما تدي لطفل لعبة لزم تتأكد من انها مفهاش أي خطورة عليه ولما بيكبر شوية بتعمل حساب الخطورة والفهم , يعني لو اديت تابلت لبببي مش زي أما استناه يكبر لو شوية وأبدأ أمسك معاه لحد متأكد إنو فهم بنسبة كبيرة يبدأ بعد كدة يسبهولو يخبط فيه .

 احنا طلبنا الحرية بنية خالصة بس أغفلنا دور السيستم  إلي هو لا يطبق كما ينبغي فتفهمت الحرية على انها اني اشتم الرئيس بتاعي طالما مش عجبني دقنو واني أكفر إلي بيئلث على دئن واحد ملتحي .

في كل أنحاء العالم فيه حاجات بتتعمل عشان تحافظ على إنو القانون يطبق. ولنأخذ مثل زي الصور الصلب إلي ركبوه على كوبري قصر النيل كدة واللي بتساعد على منع أو تقليل إن حد يمشي مخالف. بس القوانين والدساتير ده بتسن على قدر المستوى التعليمي لغالبية الناس إلي موجودين في بلد معين. ذي مثلن في دولة في يوروب محل الجرايد فيها من غير بائع، إنت بتحط الفلوس وتاخد نسخة  والنظام بتاعه ميمنعش إنو تاخد اتنين بس هما اكتفوا بكتابة ضع نقودك وخذ نسختك .

لكن تيجي لبلد تلائي فيها إلي ما يسمو بالنخبة محتاجين أصلن صور مابينهم عشان محدش يئتطع التاني وهو بيتكلم, مش عشان هما مبيعرفوش يتحاورو مع بعض، احنا نخبتنا عدت مرحلة الفشل فالكومنكينيكسشون سكلز بكتير بس أصلن عشن يبئو نخبة المفروض يتمتع بقدر ولو قليل من الإنصاف والصدق مش مبيذكرش أي حاجة كويسه حصلت من حد عشان إنت مبتحبوش ونزل في إظهار المساوئ .. وإلي يستفزك هو انك ستيل تلائي ناس فولووارز بردو .

أنا ألت خلاص أنا مش هتفرج على السو كولد نخبة وهخليني مع صحابي الاعزاء المتحضرين على شبكة التواصل لئيت ماهو أسوأ  ... لئيت إنو زي ميكون محدش عرف إنو ربنا هيحاسب إلي بينشر خبر مش مؤكد ويكون ليه تأثير ولو ضعيف علشارع..

لأ يا عم ده خبر مؤكد إنت مش شايف الفيديو ؟ وضحة ذيلشمس

طيب يا عام من شفت فديو بردو فيه ناس شغاله و بتعمل حاجه مفيده للبلد

لا يا عام ده هما بيفبرك الكلام دة .

والمشكلة ساعتها مش بتبقى في رد الأخير المشكلة بتبئة في طريئة اولته لرأيه ... ما علينا

احنا باءة الوضع الطبيعي عندنا التخوين طالما مش زيي يبئة إنت غلط، في عز إنو مفيش حاجة مثبتة لا عندي ولا عندك ...احنا ظهر فينا أسوأ الصفات فالأيام الأخيرة وصلت للمساس بانسانيتنا غير الانفلات الأخلاقي إلي ليس له كاشف إلا الله ...بءة فيه دائري فيه نزلة وطلعة من صنع الشعب ... وعندنا كمية أراضي اتكلت من أراضي الزراعية في عز غفلة القانون ... احنا باءة عندنا أكتر من 999,999,999,999 كلمة بتتال ف 500 تلك شو يومياً ولسة مصلحناش حاجة... ومفيش حد بيبدي حلول أو يصلح من نفس أصلن ويبقى المصري أحرف واحد فالعالم بيستخدم الشماعات .